As Cruces De Pedra Na Galiza

Facsímile do último libro que Castelao deu a imprimir antes do seu falecemento. Trátase dun amplo estudio feito no marco do Seminario de Estudos Galegos sobre as cruces de pedra en Galicia, no que se investiga a linguaxe formal destas expresións artísticas tan características do noso país. Castelao pon, ademais, estas cruces en relación coas do mundo celto-atlántico (Escocia, Irlanda, Bretaña) e afonda na idea de afinidade cultural con eses países. Este libro de formato grande incorpora numerosos debuxos así como láminas con ilustracións feitas polo propio autor e algunhas fotografías.