Conversa Ultramarina

Sinopse Conversa ultramarina é o diario que Lois Pereiro (Monforte, 1958-A Coruña, 1996) escribiu entre os meses de marzo e xuño de 1995 como unha longa e errática carta á xornalista Piedad R. Cabo. A que fora a súa parella na mocidade e até mediados dos 80, "cómplice até o final, para o bo e para o malo", como revela nun documental aínda inédito, pasaba unha tempada en San Francisco. Esa carta, ese "testamento", como el a alcumou, verá a luz este mes nunha edición ao cargo de Hugo Martínez para Edicións Positivas, o selo no que Pereiro publicara Poemas 1981-1991 (1992) e Poesía última de amor e enfermidade (1995).