Danny O Campión Do Mundo

Cando tiña catro meses, Danny perde á súa nai. A súa única compaña será a de seu pai, que para el é o máis marabilloso do mundo. Vivían nun vello carromato de xitanos, que era a súa modesta casa e o seu fogar feliz, situado detrás dunha gasolineira na que ademais facían algunhas reparacións. Os xoguetes do noso protagonista foron as rodas, os cegoñais, toda esa zarrapallada dos motores e demais pezas dos automóbiles. Pero seu pai gardaba un importante segredo que colocará a Danny en serias dificultades e que está relacionado cos faisáns: ese belido animal, tan cobizado polos cazadores e tan prezado na cociña.