Exilio De Castelao, O.A Nosa Terra

Sinopse De entre as miles de páxinas dedicadas a estudiar as facetas artística, literaria, humanística, social, moral ou mesmo política de Castelao, semella que unha lousa indeleble foi ocultando o seu intenso labor no exilio. Aínda hoxe, tantos anos despois, esa xeira alimenta pudores e prevencións, comprensíbeis entre aqueles que quixeran dar por finiquitado o compromiso ético e político de quen fora Presidente do Consello de Galiza. Este libro trata con outra mirada ao Castelao do exilio, recoñecendo nel un dirixente político nacionalista, republicano e progresista que nos transladou unha mensaxe nidia e contundente: Galiza é unha nación e os límites da súa soberanía só pode determinalos o pobo que lle dá sentido