Matriarcas : Mulleres En Pé De Vida

Matriarcas recolle as testemuñas de dez mulleres de distintos puntos de Galicia que, contando a súa vida, destripan a realidade do matriarcado que sostiña a sociedade galega da posguerra. As súas verbas achégannos lembranzas doutras personaxes, memoria vida da Galicia da metade do século pasado, doutras paisaxes, doutros costumes, e mesmo de fitos históricos que elas lembran en primeira persoa. As dez son moi distintas entre elas, mais úneas un nexo común: a teima con que sacaron adiante o seu traballo e as suas familias a pesar dos avatares que lles tiña deparado o destino. Na maioría dos casos non son as máis significadas da súa época pero sen dúvida son moi representativas desas mulleres que sustentaron a matriarcal sociedade galega, das grandes esquecidas do seu tempo as que este libro pretende dar voz.