O Poder Das Redes

Manual ilustrado para persoas, colectivos e empresas abocadas ao ciberactivismo Os cambios tecnolóxicos máis recentes impulsaron e modificaron a comunicación e as súas vías, creando un espazo común, a rede, no que as posibilidades de transmisión de información e experiencia persoal e empresarial se multiplican dun xeito inimaxinable. David de Ugarte explora neste libro o universo das redes. A través de conceptos como ciberturba, mumi, pluriarquía ou da categorización dos distintos tipos de redes, o autor afonda na análise de diferentes fenómenos sociais, dende as mobilizacións do 13-M previas ao cambio de goberno en España ata as revolucións na Europa do leste. Todo baixo unha rigorosa, amena e clara exposición da que, de seguro, poderá tirar proveito dende o hácker ata a persoa interesada nos procesos sociolóxicos de masas. "un uso intelixente da rede implica unha organización intelixente