O Vestido De Cora

Cora aínda non estreara o seu vestido novo. Non tivera unha ocasión axeitada porque non ía moi bo tempo e a súa nai non deixaba que levase os brazos ó aire. Por iso Roxelio seguía no armario, entre as pezas de roupa que estaban sempre a dormir: aquel día tiña ó lado un chándal rosa e amarelo e unha camisa de flores verdes. Pero, ¡que lle importa a un peixe tanta roupa nin tanto farrapo de gaita!