Pequena Lúa

...E coa noitiña, chega a Lúa. E todas as noites, Bubú sinálaa e di: –Alí! Todas as noites fai iso. –Vamos, apura, meu Bubú! –di Oso. Pero Bubú non apura. Sinala a Lúa e di:–Alí! “Pequena Lúa” reflicte como é o carácter dos nenos nos seus primeiros anos, cando as palabras empezan a agromar na súa boca, cando desenvolven os sentidos e a percepción do mundo que os rodea, cando queren chamar a atención dos demais ante aquilo que a eles mesmos lles chama a atención, cando comezan a amosar unha enerxía rebordante e son incansables.