Polos Vieiros Do Vello Miño

O Miño é o máis importante dos ríos galegos. Desde o seu nacemento na serra de Meira (Lugo), ata a desembocadura en Caminha (Portugal), o río invita a un longo paseo polas vellas cidades episcopais (Lugo, Tui, Ourense); a coñecer a beleza dunha flora e fauna hoxe posta en perigo por unha perniciosa idea de progreso; a evadirse no tempo da historia polos cenobios do Cister, os castros celtas e as murallas romanas. ao viaxeiro contemplará os castelos fronteirizos que serviron a España e Portugal para defenderse de periódicas epidemias de odio. Se o desexa, poderá descansar en balnearios, ao lado de termas que os romanos crearon para ocio e saúde das tropas. Ao camiñante, ao das, o Miño daralle sorpresas agradabeis. Ao escravo da gula e o romántico melancólico, o executivo que dispoñe dunhas xornadas de recreo e ao espíritu libre que carece de prexuizos cara os irmáns portugueses atoparán aquí camiños para percorrer amodo.