PROBLEMAS DE ESTRUTURAS DE BARRAS

Neste manual de exercicios resoltos de estruturas de barras, trátanse fundamentalmente tres metodoloxías de cálculo diferentes: o método dos nodos e das seccións en estruturas de barras articuladas; o cálculo polo método de Cross para estruturas de nodos ríxidos; e o cálculo matricial para estruturas xerais de barras. Propóñense e resólvense paso a paso 50 exercicios sobre estas diferentes metodoloxías de análise estrutural. Os exercicios están enfocados a casos prácticos e reais onde o lector poida entender como se calculan estas estruturas, e especialmente como é o seu comportamento estrutural. Este manual está enfocado a alumnos das materias de Teoría de estruturas ou Calculo de estruturas de Enxeñeiras e Arquitectura, sendo ademais un manual idóneo de apoio para docentes, investigadores e profesionais do ámbito das enxeñerías e arquitectura, que necesiten afondar no calculo de estruturas de barras.