Prosas Inmaculadas

Diana caza na noite, no discopub Acrópole, entre rapaces cun exotismo rústico. A vaca Pinta ten uns olloos proféticos cuspidiños aos do Nicholson n´O Resplandor. O mellor que pode acontecer na vida é que haxa un bo zapping. O mellor que lle pode acontecer a un lector é dar cun escritor que saiba sintonizar ben coas frecuencias telepáticas. Nesta obra todo ten cabida: o surrealismo, os ecos da poesía de amor e de escarnio, a traxicomedia, a tenrura, a violencia, a aldea global, o medo; todo adozado cuns serodios pementos de Padrón, todo na procura do humor liberador, do humor supremo.