Quen Son? Crías De Animais - Terras Polares

“Quen son? Crías de animais” é unha colección para inspirar a curiosidade pola fauna e o coidado da natureza dende as primeiras idades. Con textos sinxelos e cientificamente rigorosos acompañados de tenras e suxestivas ilustracións, cada título permite coñecer sete crías dun continente. A información sobre cada animal comeza cun xogo que busca a interacción coas lectoras e lectores. Estes dous novos títulos sobre Asia e as terras polares súmanse aos anteriores dedicados á fauna de Europa, África, América e Australia e completan unha colección ideal para coñecer no seu lugar de orixe as máis de 40 especies descritas nos diferentes volumes.