Sete Casas En Francia

No ano 1885, a Conferencia de Berlín reconeceu a propiedade do rei Leopoldo II de Bélxica sobre o Estado Libre do Congo. Nos seguintes 30 anos, coa anuencia das potencias coloniais europeas e o visto e prace da igrexa católica, as forzas militares belgas han realizar un dos mais grandes xenocidios na historia da humanidade. Bernardo Atxaga acheganos a este negro episodio da historia, e faino cunha prosa trepidante, nun ton que abala entre o cómico e o grotesco. No posto militar de Yangambi, situado no curso alto do rio Congo, esta instalado un destacamento da Force Publique a cabalo do tedio e da cobiza. Alí goberna o capitán Lalande Biran, excelente militar e recoñecido poeta. A vida en Yangambi adoita ser monótona e aborrecida, mais a chegada de Chysostome Liege, un militar moi peculiar, provoca un cambio substancial no estado das cousas. «Sete casas en Francia» marca un importante xiro na obra de Atxaga. Narrada con ironía e sarcasmo, esta novela reflicte a faciana monstruosa do ser humano e fainos reflexionar sobre o valor da vida e da morte, sobre a ambición desmedida, a traizón e a paixón. Todo isto encadrado nun territorio que, por desgraza, ainda padece as consecuencias da colonización europea.