Verín de Verín

Retorna Xosé Carlos Caneiro (Verín, 1963) ás novidades editoriais e faino con «Verín de Verín», obra que se presenta esta tarde no Auditorio verinense, ás 20.00 horas. A materia coa que se teceu esta nova publicación ten a súa orixe nas columnas que o escritor publica todas as semanas en La Voz de Galicia, na súa sección «O país das marabillas». As andanzas do Mariló, de Gerardo, dos amigos da cuadrilla do autor e as historias de Verín camiñan por este primeiro libro de Conmar, un novo proxecto cultural con orixe familiar.