CANDO A CHOIVA XA NON MOLLA

"Cando a choiva xa non molla " quere denunciar a violencia machista e outras situacións de abuso contra as mulleres por parte dos homes , e desa sociedade que llo permite , pero non só . Porque é tamén un libro de haikus . Non ao uso , claro , pois atopamos nel poemas que son haikus na forma , pero non exactamente no ambiente nin no contido . Malia iso , a forma do breve poema oriental permítelle ao autor escribir pequenos berros , consignas bañadas de dor que poden estar dirixidas ás mulleres para alentalas a camiñar fóra da escuridade do maltrato ou , noutras non moi numerosas ocasións , pretenden ser navalladas que fagan aos homes poñerse no lugar das mulleres .