Quen Fala

Sinopse Estaba Pablo paseando tan tranquilo cando, de súpeto... «Ui! Isto que é?», di un dedo. «Ah! É o caramelo que me deron o outro día», di a cabeza recordando. «Foh! Que sucio! Está cheo de peluxe!», din os ollos ao velo..... O deseñador xaponés Taro Gomi propón estoutro álbum de achegamento ao corpo humano a través dos sentidos e das partes das que consta. Ademais de gozar das ilustracións, realizadas dun xeito semellante ás que fan os cativos cos seus debuxos, esta obra tamén é unha ferramenta de apoio para nais, pais e mestres, á hora de axudaren os nenos a gañar en autonomía e coñecemento sobre si mesmos..