Vredaman

Sinopse O escritor vasco Unai Elorriaga, Premio Nacional de Literatura 2002 por Un tranvía cara a SP , relata en Vredaman a historia de Tomé, un neno que persegue a intelixencia e como, para conseguilo, ten que chegar a aceptar a existencia da morte. Na novela, unha tripulación de personaxes curiosos inverte a lóxica da ficción e da lingua escrita, combina as ideas dun xeito imprevisto e fai que salte a chispa do humor e aparezan a sorpresa e o enxeño. Unha emocionante reflexión sobre como os dous cabos da vida, a infancia e a vellez, o nacemento e a morte, se unen para redimirnos do paso do tempo.